Wednesday, August 27, 2014

مواقع لصنع محتوى مرئي ابداعي

المحتوى المرئي


بما ان المحتوى المرئي هو الاسرع والافضل في الوصول للجمهور على مواقع الـSocial Media فلازم تهتم بيه اهتمام خاص ،ولازم التصميمات تكون معمولة صح وباحتراف وعليها اللوجو بتاع شركتك او شغلك عموما عشان تكون مميز ما بين ملايين الصفحات التانية ..
وعشان تعمل الصور دى بنفسك بدل الفوتوشوب ممكن تستخدم المواقع اللى موجودة تحت دى عشان تعمل الصور الحصرية بتاعتك ..

اولا،، موقع PicMonkey

http://www.picmonkey.com/

وده موقع مجانى عليه frames كتيير وكمان ممكن تضيف على صورك effects خاصة  وتختار الfont  اللى عايز تكتب بيها النص على الصورة ..
وطبعا لازم كل موقع يكسب من ورا خدمته ،ففي ادوات مدفوعة ممكن من خلالها تستخدم frames اكتر .. 

ثانيا،، موقع LiveLuvCreate

http://www.liveluvcreate.com/

وهو موقع سهل الاستخدام ،هتلاقي عليه نماذج صور للتصميم كتيرة وممكن تستخدم صورك الخاصة لعمل تصميم معين عليها ،وممكن تختار من 1-3 مساحات لاضافة نص على الصورة وممكن كمان تقدر تختار ستايل وحجم ولون الخط اللى تحب تكتب بيه ع الصور ،بالاضافة لان الموقع عليه تاثيرات صور كتير ممكن تختار المناسب منها ..

ثالثا،، موقع canva

https://www.canva.com/

وهو من المواقع الممتازة لصنع التصميمات الجديدة ،وفيه اقسام لكل انواع الصور اللى بتحتاجها مواقع الsocial media  زي كفرات الفيس بوك وتويتر والبلوجات والبوسترات والpresentations غيرها من تصميمات مناسبة لكل غرض ممكن تحتاج الصور عشانه ..

رابعا،، برنامج Paint.NET

http://www.getpaint.net/

وده برنامج شبيه بالفوتوشوب وممكن تعمل من خلاله كل التعديلات اللى انت عايزها على صورك .. 

خامسا،، موقع PicCollage

http://pic-collage.com/

وده موقع خاص بموبايلات الايباد والايفون واجهزة الاندرويد ،ممكن من خلاله تعمل صورة واحدة مكونة من قطع من صور مختلفة وتشيرهم على الانستجرام او الفيس او تويتر ..

تابعنا على مدونة شركة التسويق الالكترونى بي جروب ..
كل ماتحتاجه في عالم التسويق الالكترونى هنا

Comments
0 Comments