Thursday, September 11, 2014

السوشيال ميديا المصرية تنعي هزيمة المنتخب المصري على طريقتها

مباراة مصر وتونس


طبعا اللى مش عارف ان كان في ماتش بين مصر وتونس امبارح اكيد النهاردة لما فتح الاكونت بتاعه ع الفيس بوك او تويتر وشاف الصور عرف ان مصر اتغلبت من تونس ..
تقريبا اغلب مواقع السوشيال ميديا النهاردة بتتكلم عن هزيمة المنتخب واغلب الصفحات الشهيرة –كعادة المصريين- نزلت صور كوميدية عن ماتش مصر وتونس في التصفيات المؤهلة لكأس الامم الافريقية ..
لو حابب تاخد فكرة عن ابرز الافيهات وانطباع المصريين الكوميدي عن هزيمة المنتخب على اغلب مواقع السوشيال ميديا هاتلاقيها هنا ..


















وطبعا الاحداث السياسية لازم يكون ليها بصمة في اى حدث عام



أفضل 3 طرق لجذب العملاء من خلال السوشيال ميديا

السوشيال ميديا طريقك لعملائك


هل تعلم ان 72% من مستخدمى الانترنت نشطين على مواقع التواصل الإجتماعي ؟؟

هل تعلم ان اكتر من بليون شخص على موقع الفيس بوك بس بيتواصلوا مع اصدقائهم وعائلاتهم والبراندات اللى بيفضلوها ؟؟

طب عارف ان مواقع زي تويتر ولينكد إن بتقدم فرصة كبيرة للتسويق بفاعلية ورفع نسبة البيع ؟؟

عشان تستغل المواقع دى لازم تتبع 3 خطوات اساسية لاستهداف العملاء بتوعك واستغلال قوة السوشيال ميديا في تحقيق عائد ربحي عالى من مبيعاتك ..

أولا،، خلق المحتوى


المحتوى هو الوسيلة اللى بتوصل من خلالها لجمهورك المستهدف وعشان توصلهم صح لازم تخلق محتوى جديد ومرتبط بحاجات عملائك ،، المحتوى ليه طريقتين اساسيين هما:

1- التدوين:

النشر بانتظام على البلوج بيسمح ليك بمعالجة مشاكل واهتمامات عملائك المستهدفين.
كمان بتبين من خلال التدوين فهمك لأحتياجات قرائك وبتبرز قدرتك على حل مشاكلهم واثبات ان منتجك قادر على تقديم قيمة فعالة للجمهور.
مثال،،
اكبر تحديات التسويق الالكترونى اليوم،، ازاى تقدر تبنى منصة تسويق الكترونى فعالة؟

2 - الدلائل الارشادية المطولة:

التدوينات المطولة زي الدليل ،و Whitepapers و eBook بتسمح للبراند بتاعك انه يظهر خبرته المعرفية في تخصصك ..

مثال: الدليل الشامل لزيادة مبيعات اعمالك الصغيرة.



ثانيا: توزيع المحتوى بشكل مستهدف:

عشان تجذب زيارات لموقعك الالكترونى انت محتاج انك تفتح قناة على مواقع السوشيال ميديا .. خلق وابداع المحتوى يعتبر هو وقود شبكات التواصل الاجتماعي ..
ومن خلال ترويجك لمحتوى مدونتك والمحتوى المطول بمجال تخصصك الصناعي او العملى بيقوم بربطك بالمستخدمين المهتمين اللى بدورهم هايقوموا بمشاركة محتواك مع اصدقائهم ودوائرهم ومحيط تواصلهم الاجتماعي عموما على شبكات السوشيال ميديا المختلفة ... ومن هنا هاتبتدى تبنى community مهتم بيك..

- لبناء شبكات الاتصال الخاصة بيك مهم انك تقوم بالخطوات دي:

1- تركز على اضافة البوستات على موقع تواصل اجتماعي واحد ،واللى بيستخدمه عملائك المستهدفين بشكل أكبر .. وغالبا الفيس بوك هو الموقع الاكثر استخداما لكل انواع الاعمال في حين ان موقع لينكد إن مخصص لأعمال B2B،، وبالنسبة لموقع Pinterest فهو الافضل للترويج للشركات اللى بتركز على التصميمات

2- ادمخ خاصية النشر التلقائي على مواقع السوشيال ميديا بتاعتك ،، وده من خلال ادوات زي Hootsuite و Buffer بدل من النشر التلقائي للبوستات على مدار ساعات اليوم فمن خلال المواقع دى ممكن تنشر على مواقع السوشيال ميديا اللى مشترك عليها بشكل تلقائي في الاوقات اللى بتحددها بناء على قرائتك لاوقات تواجد عملائك المستهدفين اون لاين ..

- ترويج محتواك:

- استخدم قاعدة 10:4:1 للترويج لمحتواك:

شارك لكل عرض مبيعات بتروجله 4 تدوينات بالاضافة لـ 10 بوستات من محتوى خارجي ..
النشر بالنسبة دى بيساعد البراند بتاعك انه يظهر بمصداقية وانفتاحية وعدم تحيز .. وبيسمح ليك بتجميع افضل محتوى عن صناعتك وكمان بيخليك مصدر للمعلومات في تخصصك.

- استكمل حملة التسويق الالكترونى على السوشيال ميديا بحملة ايميلات واعلانات مدفوعة:

من خلال استخدامك للمعلومات او بيانات الـ Contacts بتوعك اللى بيزودك بيهم الـ CTA او كبار التقنيين بالشركة ،هايخليك تروج بفاعلية اكبر من خلال حملات الايميلات التسويقية ودى تعتبر قناة تسويقية تانية هاتجيب لك زيارات مستهدفة لموقعك الالكترونى .. كمان الاعلانات المدفوعة على مواقع السوشيال ميديا ليها نفس الاثر وبتوسع من مساحة وصول محتواك لجمهوره وبترفع من مستوى فاعليته التسويقية.


ثالثا: تحسين معدل التحويل

بالتوازي مع نشر محتوى مدونتك المميز والترويج على شبكة التواصل الاجتماعي الخاصة بيك ، البراند بتاعك هايكون مؤهل انه يتحول لـمكنة بتطلع عملاء مستهدفين ،لكن فاضل خطوة اخيرة عشان تكمل صورة البازل اللى بتركبه وهى تحسين معدل التحويل او conversion rate optimization وكلمة Conversion يقصد بيها مرحلة تحويل العملاء المحتملين لعملاء متفاعلين .. وعشان تعزز من قوة الـCustomer-generation في خطوات قليلة مهم تعملها تبدأ من مرحلة تأليف الاعلانات او طريقة كتابتها لـ تصميم موقع الكترونى .. هانتكلم عنهم في المقال الجاى على مدونة شركة التسويق الالكتروني "بي جروب" ..

Wednesday, September 10, 2014

ما لا يجب ان يكون على السوشيال ميديا


خللى بالك!


1- لو فاكر ان مواقع التواصل الاجتماعي دى منصة دايمة لعرض افكارك ومنتجاتك وخدماتك فأكيد انت غلطان ،لان مواقع التواصل الاجتماعي لا يمكن التحكم فيها عشان دايما في تطويرات وتحديثات بتحصل وبتغير فاعليتها مع الوقت .. فاللى بينفع في الترويج ليك النهاردة ممكن جدا يتغير بكرة .. وعشان كده لازم تعتمد على منصة لعرض كل افكارك وخدماتك عليها وتكون قابلة للتحكم زي المواقع الالكترونية والبلوجات .. 

2- لو معندكش هدف تحققه من خلال تواجدك على مواقع التواصل الاجتماعي أكيد تواجدك هيأثر علي صناعتك بالسلب ..
هدفك على مواقع التواصل الاجتماعي او السوشيال ميديا لازم يتميز بـ انه يعنى ،،SMART

- Specific محدد
- Measurable قابل للقياس 
- Achievable  يمكن تحقيقه
- Relevant مرتبط بموضوعك
- Time-bound محدد الوقت


3- لو مش بتقيس تقدمك على مواقع السوشيال ميديا ،فده خطأ جدا .. والخطوة دى مترتبة على الخطوة السابقة ..
وجود الهدفيجبرك على قياس مدى تحققه .. اغلب مواقع السوشيال ميديا بيكون عندها ادوات للتحليل .. مهم انك تستغلها صح عشان تقيس منها مدى تقدمك وتحقيقك لاهدافك .. مؤخرا  Google Analytics اصدر وسائل لتتبع مواقع السوشيال ميديا وقياس التقدم عليها .. ممكن يفيدك جدا في تتبع فاعلية نشاطك على مواقع السوشيال ميديا ..


4- عشان تثبت وجودك على مواقع السوشيال ميديا ده أمر محتاج لوقت .. واكتر شىء بياخد وقت هو "بناء الثقة" والتواجد الحقيقي على الانترنت .. يعنى على الاقل ممكن تاخدلك 18 شهر من الشغل الصح بناء على استراتيجية محترمة للسوشيال ميديا عشان تحقق نتايج ثابتة .. لان في الاصل السوشيال ميديا عبارة عن لعبة أرقام وبتاخد وقت عشان تجمع متابعين مهتمين على اى منصة من منصات التواصل الاجتماعي عموما .. فالناس اللى بتزهق ياريت تتكل على الله وتكمل بروح عالية لان في نتيجة فعالة مع الوقت ..


5- لو عايز تكوّن تواجد اولى فعال ليك على مواقع السوشيال ميديا فلازم تبدأ عليها ببطء ... إختار موقع تواصل إجتماعي واحد بس .. ولما تحس انك تحكمت في التواجد عليه بشكل كويس ابدأ على موقع تانى وهكذا .. والوقت بين الموقعين ممكن يكون اسبوع او سنة ! على حسب قدرتك في اثبات تواجدك بشكل قوى على الموقع اللى اختارته الأول .. وممكن وقتها تربطهم ببعض وتنزل بوستات في وقت واحد عليهم هما الاتنين .. 


6- لو ماعندكش استراتيجية محددة لبناء واضافة المحتوى فانت اكيد ناقصك شىء مهم جدا .. منين هاتستمد استراتيجية المحتوى ؟؟ 
مضمون المحتوى اللى هاتضيفه لازم يكون مستمد من أهداف عملك .. مهم كمان انك تهتم باضافة المحتوى لموقعك الالكترونى ومدونتك مش بس اضافته على مواقع السوشيال ميديا ..
إبدأ بعد كده بتوضيح اهدافك المحددة ،ودوّر على المحتوى اللى يحققها ..
حدد المصدر اللى هاتجيب منه معلوماتك عن المحتوى وقارنه بالمحتوى اللى بيضيفه المنافسين في نفس مجالك او صناعتك ..
الاهم انك تحط سياسة لنشر المحتوى بحيث انه ينشر في الاوقات اللى بيدخل فيها المهتمين من العملاء على الانترنت .. 


7- غالبا ماحدش هايستلطفك لو فضلت تتكلم عن نفسك كتير .. على السوشيال ميديا اتكلم 20% عن نفسك، و 80% عن صناعتك وشركائك من الشركات والمجتمع اللى بتتعامل معاه عموما ..


8- مهم تفهم سياسة اظهار المحتوى اللى بيتبعها موقع التواصل الاجتماعي اللى اخترته .. على سبيل المثال ، الفيس بوك بيوصل محتواك لنسبة 10% بس من مجمل المتابعين لك .. 
مهم تفهم الفروق الدقيقة بين المواقع وبعضها اللى هاتساعدك في وضع اهداف مرتبطة بالواقع وهاتزودك بأعلى قيمة ممكنة من الوقت اللى بتقضيه في التسويق على موقع التواصل الاجتماعي اللى اخترت التسويق عليه ..


9- وضع سياسة محددة على مواقع السوشيال ميديا شىء مهم ،وعدم وجوده بيأثر سلبيا على تعاملاتك مع المواقف الحرجة .. لان سياستك اللى بتحطها للتعامل مع مواقع السوشيال ميديا لازم هايتبعها الموظفين وهايعرفوا من خلالها ثقافة الشركة في التعامل مع المواقف الحرجة او الردود الغير متوقعة .. بدل من التصرف تحت ضغط الرد السريع الوارد انه يشوه صورة الشركة .. سياسة الشركة مهمة جدا تكون واضحة للجميع لانها بتتضمن التدبر المسبق للمواقف المختلفة المتوقع حدوثها من خلال تفاعلات مواقع السوشيال ميديا .. 

من أجل نصائح في مجال التسويق الالكترونى ، تابعوا موقع شركة التسويق الالكترونى "بي جروب" ..